Президент туралы фильм прокатта
Бірнеше күн бұрын Астанада картинаның тұсаукесерлік көрсетілімі өтті, мұнда актерлер мен фильм түсірушілер түгелдей қатысты. Үлкен концерт залында өткен «Жұлдыздар тоғысқанда» фильмінің елордалық тұсаукесеріне Мемлекет басышысы Нұрсұлтан Назарбаев пен Дариға Назарбаева, парламент депутаттары, үкімет мүшелері мен премьер-министр Кәрім Мәсімов те барып, фильмді тамашалады.
Жақында ғана тұсаукесер Алматы қаласында да өтті. Салтанатты көрсетілімге басты рөлді ойнаған актерлер, режиссер, түсіру тобы, түгел қатысты.
Бесінші картинаның режиссеры Сергей Снежкиннің айтуынша, Нүрсұлтан Назарбаевты түсірілім барысы қалай өткені қызықтырған. Фильмді түсіру оңай болмағанын естіген Елбасы Снежкинге фильмді өзі қалай көреді, солай түсіруге рұқсат берген.
Кадрларда көрермен тек оңтүстік астана мен қазіргі Елорданы ғана емес, Кремльді де, қарағандыдағы Мәдениет сарайын, Ресейдегі «Национал» қонақ үйін де көреді. Түсірілімнің бір бөлігі «Қазақфильм» павильондарында өтті. Онда қоюшы-суретшілер Михаил Горбачевтың жұмыс бөлмесін, Назарбаевтың пәтерін, қасиетті Қағбаны жасаған.
Естеріңізге сала кетейік, фильмде басты рөлді Берік Айтжанов ойнайды.
пікірлер жоқ, бірінші болыңыз
Пікір қалдыру үшін