«Көне жетігеннің сыры» шытырман оқиғалы хикаясы эфирге шығады
25 шілдеден бастап «Хабар» телеарнасының эфирінен «Көне жетігеннің сыры» шытырман оқиғалы хикаясы көрсетіледі. Көпбөлімді фильм «САҚ» киностудиясымен және оның директоры, қоюшы-режиссер Нұриддин Патеевпен түсірілген.
«Көне жетігеннің сыры» хикаясындағы оқиға біздің күндерде болған. Қазығұрт асуындағы жолды жөндеп жатқан кезде, жол жөндеушілер бір жәдігерді тауып алады, ол – жетіген көне музыкалық аспабы. Аңызға сәйкес, көне жетігеннің жеті асығы Жерге құлаған метеориттен жасалған. Алайда, олар сол уақытта Қазақстанның бүкіл аумағына таралған болатын. Олжа жайлы естіген білімқұмар Самал достарымен бірге қалған асықты іздеуге кіріседі. Тапқырлық пен табандылық танытқан жастар керемет жаңалық ашады.
Әсерлі хикаяның кейіпкерлерін Карина Жұмалиева, Бақдәулет Әлімхан және Айдар Лекскенов сомдады. Телефильм түсірілімі 2017 жылы Оңтүстік Қазақстан облысында өткен.
Картина сценарийін Бақытжан Қожабай жазды. Идея авторы Жансейіт Түймебаев болды.
«Көне жетігеннің сыры» хикаясы сейсенбіден жұмаға дейін Астана уақытымен сағат 21:30-да эфирге шығады.
пікірлер жоқ, бірінші болыңыз
Пікір қалдыру үшін