Продюсер Дэвид Пермут «Ақылынан адасқан» тарихи хоррорын экрандау құқығына ие болды
Permut Presentations студиясы «Ақылынан адасқан» тарихи хоррорын экрандау құқығына ие болды. Фильм оқиғасы Авраам Линкольн өлімінің салдары жайлы әңгімелейді. Фильмнің продюсері ретінде Дэвид Пермут («Ар-ождан үшін», «Поляк патшасы») жұмыс істейді. Калеб Дженнер Стивенстің «Үйдегі ең жаман орын» әдеби кітабының негізінде экрандық бейімделген сценарийдің авторы Алекса Гарстер болып табылады.
«Ақылынан адасқан» фильмінің сюжеті 1865 жылы 14 сәуірде Линкольнның өлімі кезінде, Форд театрында президенттің жанында болған жақын досы Генри Рэтбоун жайлы баяндайды. Рэтбоун сол кеште Линкольнді өлтіруші Джон Уилкс Бутқа қарсы тұра алатын жалғыз адам болатын. Кейінірек, Рэтбоунға өзінің өмірін құртқан кісі өлтіру жайлы елестер көріне бастайды. Генри Рэтбоунның сүйікті әйелі Клара оны шынайы өмірге оралтуға барынша тырысады.
Дэвид Пермут «Ақылынан адасқан» фильмінің сценарийі жайлы былай деді: «Мені бұл сценарий абыржытты, себебі ол екі әлемде өмір сүретін адам жайлы. Бұл мағыналық жағынан қорқынышты фильм ретінде ұсынылуы мүмкін, бірақ көпшілік біле бермейтін шындық оқиға жайлы да баяндайды. Бұл мен айналысқан көлемді тізімдегі фильмдердің ешбіріне де ұқсамайды. Менің ойымша, мұндай оқиға кинематографиялық бірегей бағыты бар және фильмді өзінше көре алатын режиссердің назарын аудартатын сияқты».
.jpg)
пікірлер жоқ, бірінші болыңыз
Пікір қалдыру үшін