«Жұлдыздар соғысының» продюсері Кэтлин Кеннеди тағы үш жыл Lucasfilm президенті болып қалады
Алдыңғы қатарлы продюсер, идеолог және «Жұлдыздар соғысы» франшизасының архитекторы Кэтлин Кеннеди тағы үш жыл Lucasfilm президенті болып қала бермек. «Хан Соло: Жұлдыздар соғысы. Тарихтың» кассалы құлдырауынан кейін, студия әлемді фильмдер мен телевизиялы шоуларда таныстырылатын жаңа кейіпкерлермен толықтыруды жоспарлап отыр.
«Жұлдыздар соғысының» соңғы бөлімдері Кеннеди үшін алға ұмтылуға қажетті сенімділікті қалыптастырады. Ол Lucasfilm билігіне Джордж Лукас Disney студиясын 4 млрд долларға сатқан соң, 2012 жылы кірісті. Кэтлин Кеннеди «Жұлдыздар соғысының» қайта шығарылымын толықтай бақылады. Франшизаның соңғы төрт жобасы халықаралық айналымда 4,5 млрд доллар жинады. Мұның барлығын сәттіліктің арқасында келген оңай ақша деу қиын.
Кеннеди өндіріс кезінде фильмнің екі режиссерін алмастырды. Крис Лорд пен Фил Миллер «Хан Соло: Жұлдыздар соғысы. Тарих» жобасынан 2017 жылдың 20 маусымында, фильмнің айналымға шығуына бір жыл қалғанда шығарылған болатын. Сонымен қатар, ол «Аластатылған жалғыз: Жұлдыздар соғысы. Тарихтың» режиссері Гарет Эдвардсты Тони Гилройға ауыстырды, дегенмен Эдвардстың есімі жобаның титрларында қалып қойды. Былтыр Кэтлин Кеннеди түсірілім басталғаннан кейін, бір аптадан соң «Жұлдыздар соғысы: 9 эпизод» жобасымен айналысуы тиіс болған Колин Треворроуды жұмыстан шығарып, оның орнына Джей Джей Абрамсты бекітті.
.jpg)
пікірлер жоқ, бірінші болыңыз
Пікір қалдыру үшін