«Жігіттер оны Батя деп атайды» деректі фильмінің көрсетілімі өтті
«Қазақфильм» киностудиясы режиссер Айнұр Ахметжанова түсірген «Жігіттер оны Батя деп атайды» деректі фильмін таныстырды. Тұсаукесерлі көрсетілім Мәдениет және спорт министрлігінің және Қазақстан Республикасының Тұңғыш Президенті – Елбасы қорының қолдауымен Алматыда Қазақ деректі киносы күндері аясында өткізілді.
«Жігіттер оны Батя деп атайды» кинотаспасының басты кейіпкері - «Легион» әскери-спорт клубының негізін қалаушы әрі жетекшісі, ауған соғысының ардагері Батыр Әбдісаламов. Азамат 28 жыл бойы балаларды тегін оқытып, жаттықтырады. Батыр клубқа жеке қаржысын жұмаған. Бірақ ол аз еді. Оқушылары жағдайы жоқ мектеп жертөлелерінде, аулаларда жаттығуға мәжбүр болды.
.jpg)
Фильм түсірілімі Алматыда қоюшы-оператор Талғат Бектұрсыновтың, дыбыс режиссері Әлібек Байтанаев және дыбыс операторы Александр Влазневтің атсалысуымен өтті.
Айнұр Ахметжанова Темірбек Жүргенов атындағы ҚазҰӨУ-дың «Деректі кино режиссері» факультетінің түлегі. Режиссердің айтуынша, бұл оның ардагерге арнаған екінші картинасы екен. Алғашқысы «Бізден басқа ешкім емес» дипломдық жұмысы болатын.
Суреттерді Ш. Айманов атындағы «Қазақфильм» АҚ баспасөз қызметі ұсынды
пікірлер жоқ, бірінші болыңыз
Пікір қалдыру үшін