Рүстем Әбдірашевтің «Жандану аралы» фильмінің ретроспективті көрсетілімі
7 наурыз күні Алматыда Рүстем Әбдірашевтің «Жандану аралы» фильмінің ретроспективті көрсетілімі өтеді. Кинотаспаның көрсетілімі ақын Жарасқан Әбдірашевтің 70 жылдығына орай ұйымдастырылған.
Жарасқан Әбдірашевтің «Қаладан келген қыз» поэмасының негізінде түсірілген «Жандану аралы» фильмі жасөспірімдік махаббатты баяндайды. Жас жігіт Жарастың тұратын өңіріне ауыл басшысының қызы Жібек келеді. Күтпеген жерден олар бір-біріне ғашық болады. Жарас пен Жібектің қарым-қатынасы аясында Арал теңізінің мәселесі көтеріледі.
«Жандану аралы» фильмінің көрсетілімі 2004 жылы өтті. Драма режиссер Рүстем Әбдірашевтің алғашқы толықметражды ойнамалы фильмі болып табылады.
Картина көптеген халықаралық кинофестивальдерде көзге түскен. Марапаттарының ішінде: «Киношок - 2004» ХКФ-ден Гран-при, «Шәкен жұлдыздары» II ХКФ-ден Гран-при, «Тарлан» жүлдесі, «Алтын батыр» XIV Халықаралық кинофорумынан үздік режиссура жүлдесі, Go East - 2005 ХКФ-ден Fipresci жүлдесі бар.
Фильм көрсетілімі «Алатау» кинотеатрында 7 наурыз күні сағат 17:40-та және «Арман» кинотеатрында сағат 19:30-да өтеді. Кіру тегін.
пікірлер жоқ, бірінші болыңыз
Пікір қалдыру үшін