Ридли Скотт Disney-мен «Мерлин туралы аңыз» экрандауына қатысты келіссөз жүргізіп жатыр
Ридли Скоттың келесі жобасы Disney-дің «Мерлин туралы аңыз» картинасы болуы әбден мүмкін. Скоттың Scott Free өндірістік компаниясы продюсер Джил Неттермен («Пи өмірі», «Көрінбейтін бағыт») келіссөз жүргізуде. Филиппа Бойенс («Хоббит», «Сақиналар әміршісі») сценарист ретінде шақырылды. Сюжеті Томас Бэррон кітабының негізінде жазылды, кітапта жас Мерлиннің өмірі, қалай Артур патшаның көмекшісіне айналғаны сипатталады.
«Мерлин туралы аңыз» қазіргі таңда Disney өндіріп жатқан Мерлин туралы екі таспаның бірі болып табылады. Екіншісі – «Тастағы қылыш» фильмі. Оның түсірілімінде де Скотт Disney басшылығымен кездескен. Артур патша туралы аңыздар желісімен көптеген фильмдердің түсірілгеніне қарамастан, ішіндегі кейбіреуі ғана назар аударуға тұрарлықтай. Ол – NBC-дің «Әйгілі Мерлин» кіші көлемді хикаясы, басты рөлді Сэм Нил сомдаған.
Қазір Скотт режиссерлік мансаптағы ауырлау кезеңді өткеріп жатыр. Былтырғы жылдың мамыр айында оның «Бөтен: Өсиет» фильмінің тұсауы кесілген болатын. Жаңа жылдың алдында «Әлемнің барлық ақшасы» атты кезекті таспасы айналымға шықты. Бұл драмалық триллерде әлемдегі ең бай адамның бірі Жан Пол Геттидің немересін ұрлап әкетеді. Режиссер бұл таспаның түсіріліміне «Өсиеттен» кейін бірден кіріскен. Сексуалды әрекеттері үшін айыпталған Кевин Спейсиосы таспаның актерлік құрамынан шеттетілді. Скотт теңдессіз қадам жасады. Спейсидің орнына Кристофер Пламмер келген соң режиссер бірнеше аптаның ішінде барлық көріністерді қайта түсіріп, жоспарланған тұсаукесер уақытына үлгереді.
1 пікір
Пікір қалдыру үшін
Мырзахмет
14 января 2018, 02:50молодец