Сан-Себастьян-2018: «Патшалық» триллері негізгі байқауда көрсетілді
Сан-Себастьяндағы халықаралық фестивальде испандық режиссер Родриго Сорогойеннің («Кешірші бізді, құдайым», «Стокгольм») «Патшалық» триллері негізгі байқауда көрсетілді. Бұл мықты әрі адреналинге толы таспа заманауи Испаниядағы өзекті тақырып – сатқын саясаткерлер мен жемқорлық жайлы баяндайды.
Режиссер және сценарийдің қосалқы авторы Изабель Пенья көркем құралдар арқылы испан қоғамындағы ызаны тудыруға тырысты, яғни парламенттегілер мейрамханадағы кешкі ас арқылы орындарға ие болады, жұлдыздармен кездесіп, керемет яхталарда демалады, банк карталарына мол ақша жинайды.
«Патшалықтың» кіріспе көрінісінде мейрамханада асшаян мен маркалы шараппен мырзалар тамақтанып отырады. Мұның барлығы аса даңғойлықпен көрсетіледі, кенеттен саяси партияның заңсыз шоттарын айқындайтын көптеген айғақтары бар ноутбук пайда болады. Кешкі аста асшаяндарды алаңсыз жұтып отырған мырзаның бірі Мануэль Лопес Видал (Антонио де ла Торре, «Абракадабра», «Шыдамды»), белді аймақтық саясаткер халықтық көлемдегі тұлға атануға дайын.
Алайда, бір күні Видалдың өткен өмірі бұралаңдап шыға келеді, оның швейцарлық банктегі шоттары мен шығындары туралы белгілі болады. Бұл ақпараттың барлығы бірден телевидение мен ғаламторға шығады. Мансаптық коллапсқа тап болған де ла Торре кейіпкері партия лидерінің (Ана Вахенер, «Көрінбейтін қонақ», «Жасырын») алдында құжаттар арқылы өз-өзін ақтап алуға тырысады. Кейін, Мануэль ақыры әріптестері өздерінің беделін сақтап қалу мақсатында өзін сатып кеткенін түсінеді.
Сорогойенанің «Патшалығы» биліктегі беделінің мәңгілік болатынына, ешқашан ұсталмайтынына сенген адамның күйреуінің куәсі болады. Картинаның осы тұстары оны керемет саяси триллер қылып көрсетеді, режиссер Мануэльдің өз өмірі үшін күресін көрсететін материалды жақсы пайдаланып, осылайша Дэвид Финчер сынды жанр шеберімен байланыс туғызады.
Оливье Арсонның мінсіз электронды дыбыс құралы Альберто дель Кампоның хирургиялық дәлме-дәл монтажымен бірге фильмге қажетті салмақ түсіреді. Осы нәрселер, басты кейіпкердің қарсыласына тән көңілсіз дәлелдер сияқты жүректің қылын шертеді. Автомобильді қуғын мен Мануэльдің баспасөзбен қақтығысуы «Патшалыққа» аяусыздық сезімін сыйлайды, сол арқылы көрерменге мына бір ойды салады: ең мықты дегендердің өздерінің жемқорлығын бетіне басып, көпшілік алдына шығарып, масқаралауға болады.
пікірлер жоқ, бірінші болыңыз
Пікір қалдыру үшін