«Қазақ хандығы» кинохикаясы екінші маусымының түсірілімі басталды
Режиссер Рүстем Әбдірашев «Қазақ хандығы» кинохикаясы екінші маусымының түсіріліміне кірісті. Тарихи жобаның жалғасының атауы «Қазақ хандығы. Алтын тақ» деп аталады.
«Қазақ хандығы» киносы - қазақ мемлекетінің құрылуы мен бірінші билеушісі туралы баяндайтын тарихи жоба. «Қазақ хандығы. Алмас қылыш» бірінші маусымында Жәнібек пен Керей сұлтандары мен жаңа мемлекеттің құрылуы туралы баяндалған. Екінші маусымдағы оқиға Сығанақ қаласының аясында өрбіген, ол жақта қазақ хандары көршілес мемлекетпен шайқасады.
Суретті Ш. Айманов атындағы «Қазақфильм» АҚ баспасөз қызметі ұсынды
Көрермендер жаңа эпизодтардан тарихи тұлғалардың образында Еркебұлан Дайыров, Қайрат Кемалов, Қарлығаш Мұхамеджанова, Аян Өтепберген және Досхан Жолжақсынов сынды актерларды көре алады.
10 бөлімдік фильмді Алматы мен Жамбыл облыстарында, «Қазақфильм» аумағында арнайы салынған декорацияларда түсіреді. Кейбір эпизодтар Қожа Ахмет Яссауи, Айша-Бибі және Жошы хан кесенелерінде түсірілмек.
Жобаның бас продюсері Арман Асенов «Қазақ хандығы. Алтын тақ» хикаясының толықметражды фильм ретінде де шығатынын мәлімдеді.
пікірлер жоқ, бірінші болыңыз
Пікір қалдыру үшін