Стивен Спилберг Индиана Джонс жайлы франшизада өзгерістердің болу мүмкіндігін мәлімдеді
Стивен Спилберг Индиана Джонс жайлы франшизада айтарлықтай өзгерістердің болу мүмкіндігін мәлімдеді. «Біз басты кейіпкердің «Джонс» деген есімін басты кейіпкер қыз «Джоанға» ауыстыруымыз керек. Оған ешқандай қарсылық жоқ», - деді «Бірінші ойыншы дайындалсын» фильмінің режиссері. Ол кинокөрермендердің Индиана «Джоанды» көретін кезі келді деп ойлайды. Харрисон Форд образын танытқан басты кейіпкерді ендігі кезекте әйел сомдауы мүмкін.
Спилберг пен Форд келесі жылдың сәуірінде франшизаның бесінші бөлімін түсіру үшін қайтадан бірге жұмыс істемек ниетте. Алайда, режиссер бұл фильмде Фордтың археология профессорының рөлін соңғы рет сомдайтынын растады: «Бұл Харрисон Форд үшін Индиана Джонсқа қатысты соңғы жоба болады. Мен оған толықтай сенімдімін, дегенмен франшизаның өзі әлі де жалғаса бермек».
Спилберг адал жанкүйерлерге жақсы қарағанымен, белгілі кейіпкердің «басқа формада» танылатын кезі жетті деп есептейді. Бұл жақында болған #MeToo қозғалысының шарттарына сай өзекті болып отыр. «Мені өзім жақсы көретін әйелдердің – анам мен жарымның тәрбиелегені үшін бақыттымын», - деп сырын ақтарды гендерлік теңдікті құптайтын режиссер.
пікірлер жоқ, бірінші болыңыз
Пікір қалдыру үшін