«Стрингер»: Open Road студиясының банкротқа ұшырауы авторлық құқық процессіне әсер етпеуі тиіс
11 қыркүйекте ресми түрде хабарланған Open Road студиясының банкротқа ұшырауы режиссер әрі сценарист Дэн Гилройдың («Роман Израэл, Esq.», «Конг: Қаңқалар аралы») «Стрингер» жобасы бойынша жүргізіліп жатқан авторлық құқық процессіне әсер етпеуі тиіс. Картинадағы басты рөлді Джейк Джилленхол («Ағайынды Систерс», «Жабайы өмір») сомдады. Актер әрі режиссер Ричард Дачер («Бардағы жігіттер», «Зұлымдық періштесі») Open Road-қа қарсы сот ісін қайта қозғағысы келеді, оның ойынша «Стрингер» өзінің бірнеше тәуелсіз фестивальде таныстырылған 2008 жылғы «Құлау» инди-драмасын көшіріп алған.
2015 жылы Дачер Bold Films, Open Road, NBC Universal-ға шағым түсіріп, «Стрингер» фильмінің авторлық құқықты бұзғанын айтты, себебі оның «Құлау» жобасы да дәл осындай сюжетке құрылған. Дачердің таспасы Лос-Анджелес көшелерімен жүріп, полицейлік сканерлерін тыңдап жүрген адам жайлы баяндайды. Соның арқасында, ол әрдайым камераға жазба жазып, барлығын жаңалықтар агенттігіне сатып отырған. Бір кезде ол болып жатқан қылмысты жазып алады. Ричард Дачер экранды хикаяны өңдеп, өз фильмін көпшілікке ұсынғысы келген, бірақ Джейк Джилленхолдың қатысуындағы картина оны толықтай осы мүмкіндіктен айырған.
.jpg)
пікірлер жоқ, бірінші болыңыз
Пікір қалдыру үшін