Толғанай Талғат: «Berlinale talents менің күткенімнен де асып түсті»
Театр және кино актрисасы Толғанай Талғат («Обыкновенный человек», «Так себе зима») Берлин кинофестивалі аясында өткен «Berlinale talents» білім алаңында Қазақстанды таныстырды. Апта бойы отандасымыз әлемдік киноөндірістегі арнайы мамандардың шеберлік сыныбына қатысты.
«Berlinale talents менің күткенімнен де асып түсті. Кино саласындағы білікті мамандар мен керемет кісілердің арасында өткізген апта жақсы өтті. Бағдарлама барысында қатысушылар танымал режиссерлармен, актерлармен, продюсерлермен және кастинг-директорлармен кездесті. Бұл кездесулерде өз ісінің мамандары тәжірибелерімен, білімдерімен бөлісті. Мен үшін Пол Верховенмен, Изабель Кушетпен және Мегги Джелинхолмен таныстығым маңызды рөл атқарды. Ал ең басты жаңалық - актерлық студияда «Александр әдістері» шеберлік сыныбын танымал коуч Жан Луи Радригенің өткізуі болды. Осы әдістердің арқасында көптеген актерлар «Оскар» жүлдесіне және т.б. марапаттарға ие болғанын көп адам біле бермейді. Шетелдік киномамандармен кездесулер мен әңгімелесулер жоғары деңгейде өтті. Мен солардың біреуімен қызметтес болып, болашақ жобаларға жоспар құрып жатырмын. Режиссер Ольга Коротькоға маған берген көмегі және қолдауы үшін тағы да алғысымды білдіргім келеді»,-дейді Толғанай Талғат.
Еске сала кетсек, Berlinale talents – Берлинале аясында өткізілетін актерларға, продюсерлерге, киносыншыларға үміт сыйлайтын жыл сайынғы алаңқай. Биылғы жылы қатысуға әлемнің 127 елінен 2000-нан астам өтініштер келіп түскен. Алайда, іріктеу комиссиясы 270 өтініштерді қабылдады, оның 15-і актерлар, соның ішінде Толғанай да бар.
пікірлер жоқ, бірінші болыңыз
Пікір қалдыру үшін