«Бір сен үшін» фильмінің трейлері
27 сәуір күні еліміздің барлық кинотеатрларында «Бір сен үшін» атты жаңа фильм көрсетіледі. Желіге картинаның постері мен ресми трейлері жарияланды. Туындыны актер әрі продюсер Азамат Сатыбалды негізін қалаған «Cinema 28» киностудиясы түсірген. Фильм режиссері - Ардақ Төлеубай.
«Бір сен үшін» («Ради тебя») жаңа отандық драмасы - балалы бола алмай жүрген отбасы туралы. Айжан мен Асқар некедегі 8 жыл бойы ата-ана болуды армандайды, алайда барлық әрекеттері сәтсіз болып шыға береді. Немере сүйгісі келіп жүрген Асқардың әкесі баласына әйелімен ажырасуын өтінеді. Басты кейіпкер күзеліске түсіп, опасыздыққа барады. Бір сәттік байланыс нәтижесінде сәби пайда болады. Қазақстандықтар Асқардың қандай шешім қабылдайтынын жақын арада білетін болады.
Авторлардың айтуынша, фильм сюжеті қоғамда белең алған мәселе – балалы бола алмау салдарынан шаңырақтың шайқалуы жайында.
Фильмде Азамат Сатыбалды, Айжан Байзақова, Еркебұлан Дайыров, Зарина Кәрмен және т.б. ойнайды.
Кинотаспаны өткен жылдың аяғында Алматы мен Алматы облыстарында түсірген.
пікірлер жоқ, бірінші болыңыз
Пікір қалдыру үшін