«Ай гүлінің қылмыскерлері»: Мартин Скорсезе мен Леонардо ДиКаприоның жаңа жобасы
Леонардо ДиКаприо («Тірі қалған», «Уолл-стриттен келген қасқыр») және Мартин Скорсезе («Үнсіздік», «Уақыт сақтаушысы») басты рөлді сомдаушы мен режиссер ретінде «Ай гүлінің қылмыскерлері» жаңа жобалары үшін бірігеді. Фильм түсірілімімен Imperative Entertainment студиясы айналысады. Фильм негізіне Дэвид Гранның New York Times-тағы бестселлерінде сипатталған оқиғалар арқау болды.
Imperative Entertainment кітапты экрандау құқығын 2016 жылы сатып алған. «Ай гүлінің қылмыскерлері» сценарийімен Эрик Рот («Жұлдыз дүниеге келді», «Сұмдық қатты және шектен тыс жақын») айналысуда. Мартин Скорсезе осы таспаның продюсерлерінің бірі болады деп жоспарлануда, таспа Америка тарихындағы ең сұмдық қылмыстар жайлы баяндайды, Оклахомада өткен ғасырдың 20-жылдарында жергілікті үндіс-осейджалықтардың өліміне қатысты тергеу ісімен сол кезде жаңадан құрылған ФТБ айналысты.
Өлімнің басты себебі жердегі мұнай байлығы болды, ол үндістерге тиесілі еді, олар Америкадағы ең бай адамдардың бірі болатын. «Мен Дэвид Гранн кітабын оқыған соң, адамдарды, костюмдерді, декорациялар мен болған жердің барлығын өз көзіммен көргендей болдым, сол кезде кітаптағы оқиғаны фильмге айналдыру керектігін түсіндім», - деп хабарлады Скорсезе ресми мәлімдемесінде.
пікірлер жоқ, бірінші болыңыз
Пікір қалдыру үшін