Актер Құман Тастанбеков қайтыс болды
«Қыз-Жібек» фильмінде Төлегенді сомдаған театр және кино актері Құман Тастанбеков 72 жасында дүниеден озды.
Тастанбеков Құман Нұрмағанұлы 1945 жылы Талдықорған облысында шаруалар отбасында дүниеге келген. Құман бала күнінде ән айтумен әуестенген, тіпті аудандық байқаудың лауреаты атанған. Дегенмен, оның болашағына «Бұл Пеньковта болған іс еді» фильмі ерекше әсер етеді. Аталмыш картинаны көрген соң, 12 жасар Құман актер болуды ұйғарады. Анасының үгіттеуіне қарамастан, 20 жасында Алматыға келіп, Құрманғазы атындағы Өнер институтының театралды факультетіне оқуға түседі.
«Қыз-Жібек» фильмінен көрініс
Актерға танымалдылық аяқ астынан келеді: үшінші курс оқып жүргенде Сұлтан-Ахмет Қожықовтың «Қыз-Жібек» фильміндегі Төлеген рөліне бекітіледі. Таспа оған танымалдылық қана берген жоқ, өмірлік махаббатын да сыйлады. Фильм тұсаукесерінен кейін 1970 жылы Құман Жібекті сомдаған Меруерт Өтекешеваға үйленеді. Бұл жұп қазіргі таңда махаббат символы болып есептеледі.
«Қыз-Жібектен» кейін Құман Нұрмағанұлы ондаған картиналарға түсіп, Мұхтар Әуэзов атындағы Қазақ мемлекеттік академиялық драма театрының сахнасында көптеген рөлдерді сомдаған. 1993 жылы оған Қазақстан Республикасының Халық әртісі атағы берілді. Ал 2007 жылы «Құрмет» орденімен марапатталған.
Құман Тастанбеков пен Меруерт Өтекешова
1 пікір
Пікір қалдыру үшін
Мырзахмет
21 желтоқсан 2017, 22:48Печально, зато мы знаем благодаря этим людям, что у нас есть история любви и человек который передал эту историю в многовековой традиции.