Алматы мен Астанада «Арман картасы» фильміне арналған ерекше квест-кастинг өтеді
Режиссер Мирас Төлеуханов және продюсер Амангелді Әубәкіров «Арман картасы» фильміне кастинг жариялады. Актерларды таңдау ерекше форматта – квест түрінде өткізіледі.
«Квест-кастинг осы аптада басталады. Бұл үміткер бізге келу үшін еңбектенуіне тура келетін ерекше кастинг. Келем деушілерге арнайы қойылған жас шектеуі жоқ. Талап біреу ғана – бізді актерлік шеберлігімен таң қалдыру. Әзірге кастингті Алматы мен Астанада өткіземіз», - деп түсіндірді Мирас Төлеуханов.
«Арман картасы» таспасының кастингі көшпелі болмақ. Екі қала бойынша арнайы автобус жүргізіледі, сынама сол жақта өтеді. Кастингке қатысқысы келетіндер сол көлікті тауып алулары тиіс.
Көліктің тұрған орнын әлеуметтік желі арқылы білуге болады. Бар ақпарат кастинг болатын күні Instagram-дағы @ishu_sponsora парақшасында жарияланатын болады.
Еске сала кетсек, алдыңғы жолдары «Арман картасы» көркем фильмін қолдау мақсатында «Демеуші іздеймін» реалити-шоуы іске қосылған болатын.
1 пікір
Пікір қалдыру үшін
Даник
5 наурыз 2018, 16:31И в правду необычный кастинг!