Алматыда «Тақиясыз періште» комедиялық хикаясы түсірілуде
Алматыда «Тақиясыз періште» хикаясының түсірілімі басталды. Көпсериялы фильмді «Строя» және «Такая Life» ситкомдарын шығарған «ДК production» студиясымен түсіріліп жатыр.
«Тақиясыз періште» жобасы – анасы баласына келін іздеп жүретін танымал «Q-елі» скетчінің новелласы негізінде түсірілген. Бірақ, жаңа хикаяда басты кейіпкер әйел алып, ата-анасымен бірге тұрады. Отбасының басынан түрлі қызықты жағдайлар өтеді, көрермендер де риза болатын шығар.
Экранға қайтадан бұрынғы кейіпкерлер шығады, ана рөлінде - Жанар Айжанова, отағасы рөлінде - Қуандық Шәкіржанов, ұлының образында - Төкеш Қыран. Ал жаңа түскен келіннің рөлін Kesh You тобының бұрынғы әншісі, Асқар Ұзабаевтың «Гламур для дур» фильмінде актриса болып дебют жасаған Ақбота-Нұр Сейтмағамбет сомдайды.
.jpg)
«Тақиясыз періште» хикаясының режиссері - Асар Әбілқайыров, қоюшы-операторы - Күнболат Жусанбеков. Түсірілімге сондай-ақ, қоюшы-суретші Дамир Ақашов және дыбыс режиссері Данияр Жұманазар атсалысты. Жобаның продюсерлері - Мақсат Мамраимов, Қуат Садықов және Дархан Тастанов.
Авторлардың айтуынша, хикая 20 күн бойы түсіріледі. «Тақиясыз періште» «Жетінші арнаның» эфирінен 2017 жылдың қазан айының ортасында шығады.
1 пікір
Пікір қалдыру үшін
Zinesh
22 қазан 2017, 17:57Я .Уже чувствую ,что будет интересный фильм,раз снимает Асар Абулхйров и такая команда таких полулярных акеров