ҚазҰӨА-да «Рухани жаңғыру аясындағы заманауи кино өнері» халықаралық конференциясы өтеді

26 Апреля, 2018
BrodKaz
1 257
0

30 сәуір күні сағат 10:00-де Темірбек Жүргенов атындағы ҚазҰӨА-да «Рухани жаңғыру аясындағы заманауи кино өнері» халықаралық ғылыми-тәжірибелік конференциясы өтеді. Шара Қазақстанның Еңбек сіңірген қайраткері, Қазақстан кинопедагогикасының негізін қалаушы, профессор, Бауыржан Нөгербектің туғанына 70 жыл толуына орай өткізілмек.

Халықаралық ғылыми-тәжірибелік конференция аясында «Шыңғыс Айтматов және кино: классика экрандауына қатысты сұрақ», «Медиакеңістіктегі көптеген ұқсастық» және «Заманауи мұрағатты кинотану ерекшеліктері» тақырыптарына байланысты шеберлік сағаттары өтеді.

Семинарларды Ресейлік мәдениеттану жаңа институтының директоры Кирилл Разлогов, БМКИ кино өнері ғылыми-зерттеу институтының жетекші ғылыми қызметкері Валерий Фомин және FIPRESCI мен NETPAC мүшесі Гүлбар Толомушева өткізеді.

Соңында «Киноман» киноклубы Ардақ Әмірқұловтың «Қош бол, Гүлсары!» фильмін көрсетеді. Көрсетілімнен соң БМКИ-дің ғылым кандидаты Нина Кочеляевамен картинаны талқылайтын болады.

Конференция ұйымдастырушылары - «Кино және ТВ» факультеті, «Өнертану» факультеті, ҚазҰӨА жанындағы «Кино теориясы мен тарихы» кафедрасы.