«Терминатордың» жаңа бөліміндегі рөлдердің бірін Диего Бонет сомдайды
«Терминатордың» жаңа бөліміндегі рөлдердің бірін Диего Бонет («Уақыт матрицасы», «Ғасырлық рок») сомдайды. Жаңа бөлімде Бонеттен басқа, әлі де толық ашылмаған кейіпкерлерді франшизаның аты аңызға айналған жұлдыздары Линда Хэмилтон және Арнольд Шварценеггер сомдайды. «Жүзбен жүгіруші 2049» фильмінің жұлдызы Маккензи Дэвис басты рөлде ойнайды. Өткен аптада «Терминатордың» алтыншы бөлімінің көрсетілімі 2019 жылдың 22 қарашасына ауысқаны хабарланған болатын.
«Дэдпулдың» режиссері Тим Миллер фильмді 1991 жылғы «Терминатор 2: Ақырзаманнан» кейін тағы да осы жобамен, бірақ бұл жолы продюсер ретінде жұмыс істейтін франшизаның негізін салушы Джеймс Кэмеронмен бірге түсірмек. Бонет жақында ғана «Титан» фильмінің басты рөліне және экрандық шығарылымға дайындалып жатқан «Жұлдыздардың жарқырауы» фильмінің басты рөлдерінің біріне түскен болатын.
.jpg)
пікірлер жоқ, бірінші болыңыз
Пікір қалдыру үшін