Канндағы жеңісі үшін Самал Еслямоваға пәтер сыйлады
Актриса Самал Еслямова кіші отаны – Петропавл қаласына келді. Канн кинофестивалінің лауреатын жергілікті тұрғындар қошемет білдіріп, қарсы алды, ал Солтүстік-Қазақстан облысының әкімі Құмар Ақсақалов сыйлық ретінде отандасымызға 3 бөлмелі пәтердің кілтін ұсынды. Бұл туралы облыс әкімінің баспасөз қызметі хабарлады.
«Мен үшін жерлестеріммен кездесу үлкен құрмет. Осы қуанышымды бөліскендері үшін ата-анама, ұстаздарыма, барлық солтүстік қазақстандықтарға алғысымды білдіремін. Мен өте бақыттымын. Үйде болу – ерекше сезім», - деп атап өтті актриса.
Самал Еслямованың облыс әкімі Құмар Ақсақаловпен кездесуінде актрисаның туыстары мен таныстары, сондай-ақ әріптестері - Сәбит Мұқанов атындағы қазақ музыкалық-драма театрының әртістері болды.
Еске салсақ, Самал 71-ші Канн кинофестивалінде «Үздік әйел рөлі» жүлдесін иеленген болатын. Актрисаның қатысуымен түсірілген Сергей Дворцевойдың «Айка» фильмі фестивальдің негізгі байқау бағдарламасында көрсетілді.
.jpg)
пікірлер жоқ, бірінші болыңыз
Пікір қалдыру үшін