«Өрмекке ілінген қыз» фильмінің түсірілімі аяқталды
Өткен аптада «Өрмекке ілінген қыз» фильмі түсірілімінің негізгі бөлімі аяқталды. Бұл таспа – жасанды интеллект саласындағы атақты ғалымның өліміне қатысты тергеу жүргізетін хакер қыз Лисбет Саландер мен оның журналист досы Микаэль Блумквист жайлы детективті оқиғаның жалғасы.
Фильмнің режиссері ретінде хоррор жанрының жанкүйерлеріне өзінің «Қатерлі өліктер: Қара кітап» және «Деміңді шығарма» картиналарымен жақсы таныс Федерико Альварес жұмыс істеді.
Триллердегі басты рөлдерді Клер Фой («Тәж» хикаясы, «Өзін-өзі ұстай алмайды»), Сильвия Хукс («Жүзбен жүгіруші 2049»), Сверрир Гуднасон («Борг/Макинрой»), Клас Банг («Төртбұрыш»), Лейкит Стэнфилд («Көше дауысы»), Стивен Мерчант («Логан») сомдады.
Түсірілім аяқталғаннан кейін режиссер Федерико Альварес және актерлар Клер Фой, Сверрир Гуднасон, Стивен Мерчант және Лейкит Стэнфилд Стокгольмдегі арнайы фототүсірілімнен бой көрсетті.
«Өрмекке ілінген қыз» детективті триллері айналымға Meloman Entertainment компаниясының таратуымен 2018 жылдың 8 қарашасынан бастап шығады.
пікірлер жоқ, бірінші болыңыз
Пікір қалдыру үшін