«Знакомьтесь, Ибалы»

• 31 Наурыз, 2017
• Мадина
• 1 738
• 0

6 ақпан күні отандық прокатқа "Знакомтесь, Ибалы" ("Танысып қойыңыз, Ибалы") атты комедиялық фильм жарыққа шықпақ. Бұл кинолента Дарханбек Кальменовтың екінші режиссерлік әрі сценарийлік жұмысы. Біріншісі - 2015 жылы шыққан "Потому что, Шымкентский" комедиясы болатын.

"Знакомтесь, Ибалы" ("Танысып қойыңыз, Ибалы") фильмі - Ибалы есімді қыз туралы баяндайтын, трэш элементтері бар комедия. Кейіпкер ессіз күйеу жігітінен қашып, білім алу мақсатымен ауылдан астанаға келеді. Үлкен шаһарда бойжеткен Алемгер есімді жігітпен танысып, кейіннен екеуінің арасында сезім пайда болады. Дей тұрғанмен, жергілікті бір бай Ибалыға қол жеткізуге тырысып бағады, ал ауылдағы ессіз күйеу жігіті өзінің болашақ жарына қалаға қарай асығады.

Басты рөлді сомдаған Арна Мақұлбек үшін бұл дебюттік фильм. Түсірілім алаңында оған қоса танымал актер Саят Исембаев, жас актер Нұрқанат Молдахан және Спандияр Мамреев пен Закир Асадов болды.

Комедияның түсірілімі өткен жылдың қаңтар айынан бастау алған және екі қалада: Астана мен Шымкентте, сондай-ақ, Оңтүстік Қазақстан облысында түсірілді. Кинотуынды 2016 жылдың тамыз айында аяқталды. Картина өндірісімен "IB production" киностудиясы айналысқан.

«Знакомьтесь, Ибалы» ("Танысып қойыңыз, Ибалы") фильмінің ресми трейлерін көруді ұсынамыз.

• 31 Наурыз, 2017
• Мадина
• 1 738
• 0