Отандық 10 фильм Silk Road Cohesion Awards 2018 кинофестиваліне аттанады
Қытайда Шанхай қаласында 15 және 16 желтоқсан күндері Silk Road Cohesion Awards 2018 халықаралық кинофестивалі өтеді және бүкіл әлемнің киноқайраткерлерін жинайды.
KOZ Production фестивальде 20 фильмді көрсетуді жоспарлап отыр, Қазақстанның атынан 10 таспа ұсынылады, олардың ішінде Ақан Сатаевтың «Анаға апарар жол» картинасы, Нұртас Адамбайдың «Жеделсатысы», Мейірхан Шерниязовтың «Тіркеуші» таспасы бар. Сонымен қатар, тізімге ресейлік картиналар да енді.
«Біз Қытайға өзіміздің мәдениетімізді, киноөндірісімізді, шетелдік фильмдермен бәсекеге түсе алатын жобаларды көрсеткіміз келеді. Ұсынылған 20 фильмнің ішіндегі 6 картина қытайлық киноайналымға іріктелініп алынады. Қазақстандық фильмдердің де Қытай мен Жібек жолы елдерінің киноайналымына ену мүмкіндігі бар», - деді KOZ Production-ның бас директоры Мұхаммед-Расул Көздібай, деп хабарлайды «ҚазАқпарат» ХАА.
Шараға актерлар Донни Йен мен Саммо Хун, сондай-ақ режиссер Чжан Цзичжун сынды тағы да басқа қытай киносының жұлдыздары қатысады. Қазақстанның атынан фестивальде Санжар Мади, Мейірхан Шерниязов, Әзиз Бейшеналиев, Ақан Сатаев және Асқар Бисембин болады. Кино мерекесіне әнші Димаш Құдайберген және еліміздің мемлекет қайраткерлері шақырылды.
Кинооқиға әлемнің 124 елінде көрсетілетін болады.
ҚХР аумағындағы айналымға шығатын қазақстандық картиналардың тізімі биылғы желтоқсанның басында белгілі болмақ.
1 пікір
Пікір қалдыру үшін
Maxim Bogomolov
25 қараша 2018, 06:58У них как в Северной Корее, страшный отбор по жанрам итд, только комедии и показывают +/-