Аида Машурованың монографиясының тұсаукесері «Қазақстан мен Орталық Азияның көркем кинематографиясындағы әйел бейнесі»
BAIQONYR кинофестивалі аясында философия докторы (PhD) Аида Машурованың «Қазақстан мен Орталық Азияның көркем кинематографиясындағы әйел бейнесі» атты жаңа монографиясының тұсаукесері өтеді.
Кітап туралы
Бұл еңбекте аймақ киносының тарихи жанрындағы әйел кейіпкерлерінің эволюциясы мен трансформациясы жан-жақты қарастырылған. Автор экрандық кейіпкерлер арқылы дәстүршілдік, феминизм және ХХ–ХХІ ғасырлардағы әлеуметтік-мәдени өзгерістердің көрініс табуын киноведтік, мәдениеттанулық және визуалды талдау әдістерімен ашады.
Монография кең көлемді материалды қамтиды: алғашқы кеңестік фильмдерден бастап Қазақстан мен Орталық Азия елдерінің қазіргі тәуелсіз кинематографына дейін. Ерекше назар әйел бейнелерінің ұлттық өзіндік сананы қалыптастырудағы, дәуір идеологиясын жеткізудегі және адамзаттық сезімдердің тереңдігін сақтаудағы рөліне аударылған.
Іс-шара туралы
Презентация өңір киноөнеріндегі әйел рөлі мен киноның мәдени жады мен диалог құралы ретіндегі маңызы жайында кәсіби пікір алмасу алаңына айналады. Айда Машурова өзінің көпжылдық зерттеуінің нәтижелерімен бөлісіп, қатысушылармен кино саласындағы гендерлік мәселелерді зерттеудің жаңа перспективаларын талқылайды.
Іс-шараға зерттеушілер, студенттер, кинематографистер және кино мен гуманитарлық ғылымдарға қызығушылық танытқан барша жан шақырылады.
Фестиваль дәстүрлі түрде ТМД қатысушы мемлекеттерінің Гуманитарлық ынтымақтастықтың мемлекетаралық қорының қолдауымен өткізіледі.
Билеттерді Ticketon сайтынан сатып алуға болады
пікірлер жоқ, бірінші болыңыз
Пікір қалдыру үшін