Ақан Сатаев кішкентай Томиристің рөліне актриса іздеуде
«Қазақфильм» киностудиясы SataiFilm-мен бірігіп, «Томирис» тарихи картинасына кастинг өткізіп жатыр. Фильм авторлары Томирис патшайымның бала күнін сомдайтын жас актрисаны іздестіруде.
Кастингке 3 пен 10 жас аралығындағы қыздар шақырылады. Басты талаптар: қыздардың шаштары сары, көздері жасыл болу керек және бет-әлпеттері басты рөлді ойнайтын Альмира Тұрсынға ұқсауы тиіс. Ұлты маңызды емес.
«Томирис» картинасы парсы патшасы II Кирді жеңген массагеттер патшайымына арналған. Тарихи фильмді режиссер Ақан Сатаев түсіріп жатыр.
Қыздардың суреттері (ірі план, анфас және профиль, орта план және тұла бойы түсірілген, фильтрсіз және көзілдіріксіз) және өзі туралы мәліметтер, байланыс телефондары casting_satai@mail.ru электронды мекен-жайына жолдануы керек.
пікірлер жоқ, бірінші болыңыз
Пікір қалдыру үшін