Ақан Сатаев «Еуразия жүлдесі – 2017» сыйлығының иегері атанды
Ақан Сатаев Еуразия шығармашылық бірлестігінің «Еуразия жүлдесі – 2017» сыйлығының алтын лауреаты атанды. Отандасымыз «Кинорежиссура» номинациясында жеңіске жетті. Марапаттау салтанаты Ресей Федерациясының Алматыдағы Бас елшілігінде өткен болатын.
«Еуразия жүлдесінің» негізі 2013 жылы қаланған және музыка, әдебиет, кинематограф, мәдениет пен ғылым салаларындағы қайраткерлердің ерекше жетістіктері үшін табысталады. Лауреаттарға алтын және күміс медальдар мен естелік мүсіншелер ұсынылады.
Отандық режиссерімізбен қатар, аталмыш жүлдені театр және кино актері Асанәлі Әшімов, композитор Арман Дүйсенов, қоғам қайраткері Олжас Сүлейменов, «АРТиШОК» театрының жетекшісі Галина Пьянова мен әртіс Кәрім Мұтырғанов иеленді.
Ақан Сатаев – Қазақстанның көрнекті режиссерларының бірі, оның 15-тен астам кинотаспалары бар. Қазіргі таңда кинематографшы «Томирис» пен «Елбасы жолы: Әлем эпицентрінде» тарихи фильмдерінің түсіріліміне дайындалуда. Жақын арада режиссердің жаңа туындысы - «Она» триллері үлкен экранға шықпақ.
Превью: lofficiel.kz
пікірлер жоқ, бірінші болыңыз
Пікір қалдыру үшін