Актер Марат Абай-Ділда «Парафрения» психологиялық драмасына режиссерлік етпек
Театр және кино актері Марат Абай-Ділда жақында толықметражды көркем фильм түсіреді. Оның алғашқы режиссерлік жұмысы «Парафрения» (сандырақтаудың ауыр формасы - ред.) атты психологиялық драмасы болмақ.
Қазіргі таңда Марат Абай-Ділда түсірілім тобын жинап, басты және қосалқы рөлдерді сомдайтын актерларды іздестіруде. Кастинге қатысуға кинодағы тәжірибесі барларымен қатар, жоқтары да, 20-45 жас аралығындағы ер азаматтар мен 16-35 жас аралығындағы қыз-келіншектер шақырылады. Актерларды сынау Алматыда өтіп жатыр және 2018 жылдың қаңтар айына дейін созылады.
«Парафрения» фильмінің түсірілімі 2018 жылдың басында басталады. Картина өндірісімен Alan Cinema Pro кинокомпаниясы айналысады.
Марат Абай-Ділда Темірбек Жүргенов атындағы ҚазҰӨА-ның түлегі, «Драмалық театр және кино актері» мамандығын бітірген. Отандасымыз қойылымдардан бөлек, өзін кинода сынап көріп жүр. Марат Жасұлан Пошановтың «Қашқарияға саяхат», Дастен Шәкіровтың «Резерват: Қазушы қаралар», Бүркіттің «Апан» картиналарына және Дархан Сәркеновтың «Қозы Көрпеш - Баян Сұлу» хикаясына түскен.
Кастингке қатысты қосымша ақпаратты мына нөмір арқылы білуге болады: 8 (747) 836-07-75.
Суреттер Марат Абай-Ділданың жеке Instagram парақшасынан алынды
пікірлер жоқ, бірінші болыңыз
Пікір қалдыру үшін