«Анон»: Аманда Сайфред және Клайв Оуэн жеке өмірге құқық жоқ әлемде аман қалуға тырысады
Режиссер Эндрю Никкол («Уақыт», «Гаттака») ауқымды айналымдағы көрсетілімі мамыр айының алғашқы жартысында өтетін «Анон» ғылымы-фантастикалық триллерін түсірді. Таспа жоғары технологиялық концептіге ие, сондықтан оның әрекеті басшылық тарапынан азаматтардың жеке өміріне қол сұғатын әлемде орын алады. Олар тәулік бойы қоғам мен мемлекет тарапынан толық қадағалауда болады және қатал цензура жағдайында өмір сүреді.
Клайв Оуэн («Валериан және мың ғаламшар шаһары», «Соңғы серілер») «Бойжеткен» (Аманда Сайфред, «Қауіпті кәсіп», «Куперді жақсы көріңіздер») лақап атымен белгілі жас хакер әйелді тұтқынға алуды көздейтін полиция қызметкерін сомдайды. «Анон» - Сайфред пен Никколдың 2011 жылы шығарылған табысты «Уақыт» фильмінен кейінгі алғашқы ортақ жұмысы. «Анон» жобасы былтырғы жылы Торонто фестиваліндегі басты фильмдердің бірі болды. Netflix фильмнің АҚШ-тағы және тағы бірнеше мемлекеттегі құқығын 4 миллион долларға сатып алды.
«Анон» ғылыми-фантастикалық триллері 2018 жылдың 10 мамырынан бастап ауқымды айналымға шығады.
.jpg)
пікірлер жоқ, бірінші болыңыз
Пікір қалдыру үшін