Арман Асенов «Оскар» иеленді
Отандық актер әрі продюсер Арман Асеновке спорт «Оскары» табыс етілді. АҚШ-та, Атлантикитидегі м арапаттау салтанаты 29 қаңтарда Алматыдағы ҚысқыУниверсиаданың ашылу салтанатымен сәйкес келіп қалды.
«Спорттық «Оскар» әлемдік кинемотограф саласында белсенді еңбек етіп жүрген спортшыларға, жаттықтырушыларға, каскадерлерге беріледі. Осындай жүлдені тағайындағандарға ризамын, өйткені кино мен спорт белгілі бір өмір сүру образын насихаттайды, қоғамға пайдасы мол. Салтанатты шараға Универсиада үшін бара алған жоқпын, өз елімнің азаматы ретінде мұндай маңызды шараға қатыспасыма болмады. Сондықтан марапаттау салтанатына менің орныма қызым Ариэль кетті. 29 қаңтар мен үшін мерекелік күн ретінде есімде қалды: мен спорттық «Оскар» алдым және қысқы ойындардың ашылу салтанатына қатыстым», - дейді Арман Асенов.
Актер – Жауынгерлік өнер Халықаралық академиясы тағайындаған беделді жүлдені иеленген Қазақстандағы бірінші адам. Жүлдені бұған дейін иеленген қатарында Кэри Тагава, Синтия Ротрок, Кевин Сорбо, Саша Митчелл, Джеймс Лью және басқалар бар.
Актер Арман Асенов «Десант», «Степной экспресс», «Возвращение в «А» фильмдері арқылы танымал. Алайда отандастырымызға ол 20 киножобаның продюсері ретінде де таныс. Оның продюсерлік жұқмыстарының арасында «Қазақ хандығы. Алмас қылыш» тарихи драмасы да бар.
Бүгінде продюсер «Дворец Республики»ЖШС директоры.
пікірлер жоқ, бірінші болыңыз
Пікір қалдыру үшін