Аружан Жазылбекова және Данияр Алшынов Асқар Бисембиннің фильміне түспек

22 Маусым, 2017
Мадина
2 060
0

Актерлар Аружан Жазылбекова («Анаға апарар жол») және Данияр Алшынов («Барлығы еркектердің кесірінен») бірінші рет бір фильмге түспек. Олар Асқар Бисембиннің жаңа комедиялық таспасына түседі. Фильм атауы әзірге құпия ұсталуда.

Айта кету керек, Жазылбекова мен Бисембин 2015 жылы жарыққа шыққан «Үшеуге арналған үйлену тойы» картинасында бірге жұмыс істеген. Актриса басты кейіпкер Әлияны сомдаған. Ал оның түсірілім алаңындағы серіктестері Нұртас Адамбай мен Дәурен Айдарқұлов болды. Ал Данияр Алшынов үшін алдағы уақытта жарыққа шығатын жоба Асқармен бірігіп жасаған алғашқы жұмысы болмақ.

Актер өзінің рөлі және фильм туралы Brod.kz сайтына берген сұхбатында айтып берді:

«Мен Асқар Бисембиннің жаңа фильмінде басты кейіпкерді сомдаймын. Бұл менің басты рөлдегі дебютім болмақ. Картина – үйлену тойы немесе Наурыз туралы емес. Бұл мүлдем басқа кино. Фильмде қазақ ділі қозғалады. Маған идея мен кейіпкер ұнап қалды. Сондықтан, түсірілімге қуана келістім».