Әсел Садуақасова «Қазаққа ғашық болмаудың бес себебі» атты жаңа фильмге продюсер болды
Алматыда «Қазаққа ғашық болмаудың бес себебі» («Пять причин не влюбиться в казаха») толықметражды картинасының түсірілімі басталды. Фильм - продюсер Әсел Садуақасованың бесінші мерейтойлық киножобасы. Оның алдыңғы жолдары продюсерлік еткен картиналары: «Адель», «30-да күйеуге шығу», «Келін де адам баласы» және «91».
«Қазаққа ғашық болмаудың бес себебі» картинасының түсіріліміне режиссер Асқар Ұзабаев та атсалысуда. Кино қайраткері үшін бұл - Әсел Садуақасовамен бірігіп түсіріп жатқан үшінші жұмысы. Мұның алдында олардың біріккен жобасы – «Келін де адам баласы» фильмі жарыққа шыққан-ды. Ал жақында «91» атты өмірбаянға құрылған таспаларының түсірілімі аяқталды.
Режиссер: «Көрермендер фильмді көріп болған соң, басты сезім – махаббат екенін түсінетін болады»,- дейді. Сонымен қатар, барлығы ортақ үлкен жобамен жұмыс істеп жатқандықтан, ол түсірілім тобына түсіністік пен сыйластықты тіледі.
Жаңа фильмнің қоюшы-операторы ретінде «Ән-аға» және «Сүйе білсең» хикаялары арқылы танымал Қазбек Әмержанов таңдалды.
пікірлер жоқ, бірінші болыңыз
Пікір қалдыру үшін