«Дон Кихотты өлтірген адам»: Терри Гиллиамның сөзінше, фильм Адам Драйвердің арқасында түсірілген екен
«Дон Кихотты өлтірген адам» бірнеше жылдар бойы қиын әрі ұзақ түсірілген жоба болған екен. Режиссер Терри Гиллиам биылғы жылы жұмысын Каннда таныстырды, бірақ бұрынғы продюсермен болған сотта жеңіліс тапты. Терри Гиллиамнің сөзінше, фильм өзінің жұлдызы - Адам Драйвердің арқасында түсірілген: «Мен оның «Жұлдыздар соғысынан» басқа актерлік жұмыстарын көрмеппін. Сондықтан, мен өзіме: «Жақсы, тамаша. Еш қарсылығым жоқ, - дедім».
«Продюсерлердің бірі болған қызым «Сен онымен кездесуің керек»,- деді. Мен біріншіден, қадамды сол кезде Драйвер шығармашылық өрлеу кезеңінде болғандықтан жасадым. Ал қажет кезде сондай адамды жолықтыру – мұқтаж кезде ақша тапқанмен бірдей. Оны көрген сәттен бастап, бұл жігіттің мен білетін актерларға ұқсамайтын қасиеттерін байқадым. Ол сондай салмақты әрі шынайы болды, ешқандай театрлы қасиеті жоқ еді. Ол мен ойлағаннан да жақсы болып шықты», - деп жалғастырды Гиллиам.
Режиссер таңдай қақты: «Алғашында Драйвер біртүрлі актер болып көрінді, өйткені оған қарасаң, ақымақты көргендей боласың. Оның бойы ұзын әрі ебедейсіз, мұрны үлкен және құлағы қалқиып тұрады. Ол киножұлдызға ұқсамайды, бірақ фильм түсірілімінің соңынан кейін Драйвер соңғы уақытта көрген ең жақсы романтикалық басты рөлді сомдаушының біріне айналды. Ол өзгере алады, мұның барлығы сыртынан емес, ішкі дүниесінен байқалады. Барлығын бақылап отырудың өзі қызық».
.jpg)
пікірлер жоқ, бірінші болыңыз
Пікір қалдыру үшін