«Қаны таза»: ресми тұсаукесер алдында қара комедияның жаңа трейлері

28 Февраля, 2018
Мадина
845
0

Режиссер әрі сценарист Кори Финлидің «Қаны таза» қара комедиясы көптеген фестивальдердегі тұсаукесері мен сыншылардың жақсы пікірлерінен кейін жалпы айналымға, әйтеуір шықты-ау. Осы салтанатты сәтке негізгі сюжет желісін түсіндіретін және пікірнамалардағы нақыл сөздермен көмкерілген арнайы трейлер шығарылды. Бұл - 2016 жылы қайғылы оқиғадан көз жұмған Антон Ельчиннің («Атлантидадағы жүректер», «Альфа Дог») қатысуындағы экранға шығатын соңғы фильм.

Бала кезден бері достасып келе жатқан құрбылар Лили (Аня Тейлор -Джой, «Көлеңкелер мекені», «Сплит») және Аманда (Оливия Кук, «Голем», «Мен, Эрл және өлім аузында жатқан қыз») бірнеше жыл көріспегеннен кейін, Коннектикут маңында қайта кездеседі. Лили жоғары таптың мінсіз бойжеткеніне айналған, ол белді интернатурада оқиды және бұл туралы түйіндемесіне мақтанышпен жазып жүреді. Аманда өте ақылды және өзіндік пікірі қалыптасқан. Бірақ, көбінесе қоғамның төмен табын еске салады.

Бір қарағанда екеуі екі түрлі сияқты болып көрінгенімен, олардың достықтары нығая түскен. Екеуі де бір еркекті ұнатпайды. Ол – Марк (Пол Спаркс, «Әйгілі шоумен», «Тәж» хикаясы), Лилидің өгей әкесі, жауыз әрі делқұлы. Аласапыран оқиғалар желісі басталады. Құрбылар қылмыс туралы ойланады да, жергілікті айлакер Тимды (Антон Ельчин) жалдап, соған жоспарды орындатуға мәжбүрлейді.

«Қаны таза» қара комедиясының тұсаукесері 2018 жылдың 9 наурызына жоспарланған.