«Біз Сандықтаудан боламыз» фильмінде ауыл тұрғындары қайтадан астананы бағындырмақ

12 Шілде, 2017
Мадина
1 058
0

13 шілде күні еліміздің барлық кинотеатрларынан «Біз Сандықтаудан боламыз» отандық комедиясы көрсетіле бастайды. Картина «Sky cinema production» студиясымен және режиссер Елена Шестаковамен түсірілді. Жобаның бас продюсері - Елена Гомер. Ол 2015 жылы «XXI ғасырдағы Алдар Көсе» картинасын ұсынған болатын.

«Біз Сандықтаудан боламыз» фильміндегі оқиға Астанада өрбиді. Жаңа үй сатып алған астаналық кәсіпкер қоныс тойын тойлауды жөн санайды. Азамат тойына алыстағы Сандықтау ауылында тұратын туыстарын шақырады. Туыстары астанаға құрбыларымен және бойдақ ұлдарымен бірге келеді. Кейін белгілі болғандай, кәсіпкердің сұлу қызы Жаннаға жас жігіттер таласады. Қалалық пен ауыл өмірі байланысып, қызықты әрі оқыс оқиғаларды туындатады. Картинаның көрермендердің көңілін көтеретіні сөзсіз.

_{«Біз Сандықтаудан боламыз» фильмінен көрініс}

Фильм түсірілімі ағымдағы жылдың 23 ақпанында басталып, Астанада өтті. Картинаға ҚР Еңбек сіңірген қайраткері Түймехан Атымтаева, Мұхтар Әуэзов атындағы драма театрының актрисасы Майра Омар, сонымен қатар жас актерлар Инабат Әбенова, Дастан Байбосынов, Жеңіс Әбдіғазиз, Ерғұлан Жанпейісов түсті.

Кинотаспаға қоюшы-оператор Сергей Селищев, қоюшы-суретші Дархан Марамов атсалысты. Фильмді музыкамен әрлеген астаналық «Z» тобы, сценарийін Наргиз Ирсалиева жазды.