Дженнифер Лоуренс пен Даррен Аронофски айырылысты
27 жасар актриса Дженнифер Лоуренс («Жолаушылар», «Икс адамдары») және 48 жасар режиссер Даррен Аронофски («Қара аққу», «Арман реквиемі») бір жылдық таныстықтан соң айырылысты. «Бұл ортақ шешім болды, екеуі әлі де достық қарым-қатынаста»,-деп хабарлайды E! News.
Бұрынғы жұптың сезімдері Аронофскидің «Анашым!» фильмінің түсірілімінде оянған еді, кинода Лоуренс басты рөлді сомдаған.
«Ол мені түсірілімге шақырған кезде, оған ес-түссіз ғашық болдым, бұл біз дайындықты бастамай тұрып, бір жыл бұрын болған еді. Бірақ, ол – кәсіби маман, ең соңында менің жүрегімді ауыртып кетті,-дейді актриса.- Екеуіміз дос болып қалдық. Ол менің қандай сезімде екенімді білетін, бірақ өзінің не сезетінін айтпайтын. Соны түсініп, қабылдадым. Екеуіміз жұмыс істей бастаған соң, достығымыз әріптестікке айналды. Фильмді аяқтағаннан кейін, «Жақсы, Сіз менің жігітімсіз» деуден басқа амалым қалмады.
Лоуренстің сөзінше, Аронофски режиссер ретінде - «тамаша коммуникатор». Оны «керемет образды» дей отырып, актрисалармен әңгімелесуін мақтады: «Оның әдісін өзі сияқты дәл көре аласыз. «Жақсы, мен солай жасаймын» деуден басқа амалың да болмайды. Ортақ нәтиже бар, бұл қуантарлық жағдай... Сонымен қатар, бостандықты сезіну де бар».
пікірлер жоқ, бірінші болыңыз
Пікір қалдыру үшін