Джессика Честейн, Марион Котийяр және Лупита Нионго «355» тыңшылық триллерінің актерлік құрамына қосылды
Джессика Честейн («Үлкен ойын», «Зообақ қараушысының әйелі»), Марион Котийяр («Қанішердің кредосы», «Одақтастар») және Лупита Нионго («12 жылдық құлдық», «Катведен шыққан патшайым») «355» тыңшылық триллерінің актерлік құрамына қосылды. Честейннің Freckle Films өндірістік компаниясы осы таспаның түсірілімімен айналысатын болады, құпия агенттегі басты рөлдерді тек әйелдер ғана сомдайды. Жақында Харви Вайнштейнмен болған жанжалдан соң, есеңгіреп қалған киноөндіріс әлемі үшін бұл – батыл әрі жақсы ойластырылған қадам.
«355» түсірілімімен сценарист («Икс адамдары: Ақырзаман», «Шерлок Холмс») және продюсер («Шығыс экспрессіндегі өлім», «Логан») ретінде танымал Саймон Кинберг айналысады. Сондай-ақ, бұл таспаға Пенелопа Крус («Гримсбиден шыққан ағайындылар», «Римдегі шытырман оқиғалар») және Бинбин Фань («Ессіз серіктестер», «Мен Бовари ханым емеспін») сынды жұлдыздар атсалысады. «355-тен» кейін Джеймс Бонд пен Джейсон Борн екінші қатарға ығысуы мүмкін.
Джессика Честейн #MeToo голливудтық қозғалысында Харви Вайнштейннің ашық сыншысы болып табылады. Ол Freckle Films-тің көмегі арқылы түсірілімнің барлық қырында әйелдердің көптеп қатысуын қарастырып жатыр: «Мен «355» түсіріліміне киноөндіріске өз үлесін қосқан әр түрлі әйелдерді қатыстыруды қарастырудамын, олардың басын қосып, тыңшылық атыс-шабыс фильмінде бүкіл әлем бойынша саяхат жасайтын боламыз».
пікірлер жоқ, бірінші болыңыз
Пікір қалдыру үшін