Эд Скрейн «Малефисента» жалғасында зұлымның рөліне ие болмақ
Эд Скрейн («Дэдпул», «Топ-модель») Disney-мен жүргізіліп жатқан келіссөздің соңына таяп қалды. Ол «Малефисента» жалғасында зұлымның рөліне ие болуға дайындалып жүр. Анджелина Джоли («Көкшіл жағалау», «Аса қауіпті») және Эль Фаннинг («Қауіпті азғыру», «Түн заңы») осы жобаға атсалысып, қайтадан басты рөлдерді сомдамақ. Сиквел режиссері Хоаким Роннинг («Кариб теңізінің қарақшылары: Өлгендер ертегі айтпайды», «Бұзақылар») болады.
Скрейннің зұлым ретіндегі рөліне қатысты нақты ақпарат әзірге таратылмай отыр. Сценарийдің соңғы нұсқасымен Джез Баттеруорт («007: СПЕКТР», «Қара месса») және Линда Вулвертон («Сұлу ару мен құбыжық», «Зазеркальедегі Алиса») айналысып жатыр. Қазіргі таңда, «Малефисентаның» жаңа бөлімі қандай туындыдан шабыт алатыны белгісіз. Алғашқы фильм «Ұйқыдағы ару» ертегісіне негізделіп, әлемдік айналымда 760 миллион долларға жуық қомақты бокс-офис жинаған болатын. Жалғасының түсірілімі 2018 жылы басталады деп жоспарлануда.
.jpg)
пікірлер жоқ, бірінші болыңыз
Пікір қалдыру үшін