Еламан Есентаев «Бақсы дуасы» триллеріндегі рөлі жайлы
Еліміздің кинотеатрларынан Бақтияр Сейітқазиевтің «Бақсы дуасы» психологиялық триллері көрсетіле бастады. Фильмдегі басты рөлді Еламан Есентаев сомдады, ол «Бродвей» оқырмандарына кейіпкері мен түсірілім жайлы айтып берді.
Еламан Есентаев Темірбек Жүргенов атындағы ҚазҰӨА-да «Кино және ТВ режиссурасы» мамандығы бойынша 5 курста оқиды. «Бақсы дуасы» картинасы жігіт үшін үлкен кинодағы дебют болды. Еламан картинада қулықтың нысанасына айналған IT-маманы Гиздің рөлін ойнады. Біреудің ойыны нәтижесінде кейіпкер екі қылмыс жасайды.
«Бұл - менің толықметражды фильмдегі алғашқы басты рөлім. Осыған дейін «Бригада» және «Көршілер» хикаяларында қосалқы рөлдерде ойнаған едім. Гиздің образына ену қиын болды, себебі ол тәжірибелі бағдарламашы ғой, ал мен өмірде компьютерлі технологиялардан алшақпын. Бірақ, түсірілім алаңында маған кеңесшілер көмектесті. Экранда барлығы шынайы көрінеді деп үміттенемін. Егер нақты көріністерді айтар болсам, ең қиыны – кейіпкерім қылмыс жасап, екі рет адам өлтіреді. Сұмдық қылмыс жасаған адамның шынайы сезімін көрсету керек болды. Жалпы, түсірілімдегі әрбір күн мен үшін есте қаларлықтай болды», - деді Еламан Есентаев.
Жас актер режиссер Бақтияр Сейітқазиевпен және жас әртістер Аяна Құсайыновамен, Руми Назаровпен бірге жұмыс істегеніне қуанышты болғанын да жеткізді.
Еске салсақ, «Бақсы дуасы» фильміне сонымен қатар Әзиз Бейшеналиев, Самат Рамазанов, Эльдар Жақсылықов және Алексей Кудинов түсті.
.jpg)
пікірлер жоқ, бірінші болыңыз
Пікір қалдыру үшін