Елзат Ескендір «Адасқақ» деп аталатын алғашқы толықметражды фильмін түсірмек

10 Наурыз, 2017
Айнур
3 801
0

Қазақстандық режиссер Елзат Ескендір «Адасқақ» («Заблудший») көркем фильмінің түсіріліміне дайындалып жатыр. Режиссердың дебюттық толықметражды жобасын Baikadam production орталығы жүзеге асырады. Қазіргі кезде түсірілімге арналған локация іздестіріліп, кастинг ұйымдастыруда.

«Адасқақ» жобасы - экзистенциальды-поэтикалық драма, мұнда Адам мен Табиғат, Құдай арасындағы нәзік байланыс жайлы. Фильмдегі оқиға өркениеттен жырақта бір отбасындағы мысалмен көрсетіледі. Түсірілімге осы жылдың күзінде кірісуді жоспарлап отырмыз», - дейді Елзат Ескендір.

Сценарий авторы режиссердың өзі.

Естеріңізге сала кетейік, 2016 жылы Елзат Ескендірдің «Өліара» («Межсезонье»/«Off-season») фильмі бірнеше халықаралық байқауда жеңімпаз атанды. ХХІ Пусан кинофестивалінде картина Sonje Award номинациясы бойынша «Гран-при», «Кинопроба» XIII Халықаралық фестивалінде «Үздік дебют» номинациясын жеңіп алды. Бұдан басқа «Өліара» «Киносыншылар таңдауы -2016» байқауында «Үздік қысқаметражды фильм» атанды.