Ерлан Қасымжанұлы «Япырай» хикаясының түсірілімі жайында
«Жетінші арнаның» күзгі маусымдық эфирінен «Япырай» скетчкомы көрсетілмек. Жобаның режиссері, идея авторы әрі актерлардың бірі - Ерлан Қасымжанұлы. Ол түсірілімнің қалай өткенін және көрермендерді қандай қызық күтіп тұрғанын «Бродвей» кинопорталына айтып берді.
«Япырай» хикаясының ерекшелігі оның мазмұнында. Скетчкомның барлық кейіпкерлері ерекше әрі осыған ұқсас жобалардағы кейіпкерлерге мүлдем ұқсамайды. Хикаяда өзекті мәселелер қозғалады. Оның кейіпкерлері – біз күнде көріп жүрген адамдар. Менің ойымша, бұл кейіпкерлер көрермендерге ұнайтын сияқты»,-деп бөлісті Ерлан Қасымжанұлы.
«Япырай» скетчкомының түсірілімінен сурет
Комедиялық телефильмдегі басты рөлдерді Ерлан Қасымжанұлы, Әбунасыр Серіков, Дәнекер Оразбаев, Бауыржан Орда, Ардақ Кенже, Нұргүл Мыңғатова, Берік Түменбаев және Тағай Нұралиев сомдады. Кадр сыртында қоюшы-оператор Әлібек Әміржанов, қоюшы-суретші Ринат Машур және продюсер Бақыт Қасқараулова жұмыс істеді.
«Локациялар көп болды. ҰҚК шекара қызметінің әскери бөліміндегі түсірілімі қиынға соқты. Қуанышқа орай, барлығын келісіп, осы локацияларға қатысты 10 скетчті бір күннің ішінде түсіріп тастадық. Сонымен қатар, хикаяны қала сыртындағы зәулім үйде, мектепте және Алматының елді көшелерінде түсірдік»,-деді режиссер.
пікірлер жоқ, бірінші болыңыз
Пікір қалдыру үшін