Ернар Мәліков спорт «Оскарын» иеленді
Биылғы жылы актер Санжар Мәдиден бөлек, спорт «Оскарын» продюсер әрі MG Production кинокомпаниясының негізін қалаушы Ернар Мәліков иеленді. Отандасымыз экшн-фильмдерді дамытуға қосқан үлесі үшін The Academy Award of Martial Arts жүлдесіне ие болды.
Ернар Мәліков - 2005 жылы құрылған MG Production кинокомпаниясының бас продюсері. Компания осы жылдар ішінде көптеген телехикаялар мен толықметражды картиналарды жарыққа шығарды. Олардың арасында «Кері жағы» детективті атыс-шабыс фильмі, «999» драмасы, «Елес аңшылары» фантастикалық атыс-шабыс фильмі және «Көк тарландары» әскери хикаясы бар.
Бүгінгі таңда продюсер тобымен бірге «Аштық» тарихи драмасының түсіріліміне дайындалуда.
Еске сала кетсек, спорт «Оскары» - кино саласында спортты кеңінен насихаттағаны үшін берілетін беделді жүлде. Жүлде Қара белбеулер Клубы – Халықаралық Жауынгерлік өнері федерациясымен мақұлданған.
.jpg)
пікірлер жоқ, бірінші болыңыз
Пікір қалдыру үшін