Фархат Шарипов: «Біз «Арман әлемі» («Мир мечты») фильмін өз қаржымызға түсіруді жоспарлағанбыз
Отандық режиссер Фархат Шарипов «Арман әлемі» («Мир мечты») атты жаңа фильм түсіріліміне кірісіп кетті. Кинотуындының негізгі сюжеті Данияр Сүгірәлиновтің «Кирпичи 2.0» повестімен байланысты. Фархат Шарипов кітапта жазылған оқиғаны түсіру идеясы қашан және қалай келгендігін айтып берді.
«Мен Данияр Сүгірәлинов туралы екі жыл бұрын Санкт-Петербургтағы досым арқылы білдім. Бірде ол маған қазақстандық автордың кітабын оқып жүргенін айтқан болатын. Ол автор Данияр болып шықты. Екі жыл өткен соң оның туындысын өзім оқып шықтым. Біздің алғашқы кездесуіміз өткен жазда өтті. Сол кезде оның бір кітабының мазмұны бойынша фильм түсіру идеясын ұсындым. Бастапқыда «Арман әлемі» («Мир мечты») фильмін өз қаржымызға түсіруді жоспарлап жүрдік. Кейіннен, «Қазақфильм» киностудиясынан қолдау мүмкіндігін алуға болатынын білдік және сол үшін қуаныштымыз»,-дейді Фархат Шарипов.
_n2mq.JPG)
Повесть сюжеті бойынша басты кейіпкер өзіндік көкіректігінің салдарынан туыстары мен жақындарынан айырылады. Жанында жүрген барлық адамдар одан теріс айналады. Осылайша, жас жігіт жалғыз қалады. Жұбанышты ол спирттік ішімдіктен табады. Өмірдің қатал болғанына қарамастан, кейіпкерге көмек қолын созуға дайын жандар жолығады.
Ұзақ уақыт бойы сценарий бейімдеуге Фархат Шариповтың өзі атсалысты. Ол түпнұсқа сюжет бойынша бірінші ремаркі өткен жылдың қазан айында пайда болғанын атап өтті. Бірақ, осы күнгі түсірілімге дейін біраз өзгертіліп отырған.
«Мен жүз пайыз повесть бойынша кино түсіргім келген жоқ. «Кирпичи 2.0» туындысы маған бағыт пен фильмге арқау болатын оқиғаны нұсқады. Кино мен әдеби оқулықтың көрерменге екі түрлі әсер қалдыратынын ескере отырып, кітапта жазылған оқиғаны толығымен экранға шығаруға тырыспадық. Сондықтан, автордың рұқсатымен сюжет, кейіпкерлер және олардың кейбір әрекеттері өзгертілді. Дегенмен, кітаптағы негізгі идея мен тақырып картинада қалды»,-деп түсіндірді режиссер.
Негізгі оқиғада басты кейіпкер жас болса, кино нұсқада ол орда бұзар отыз жастан асқан. Кейіпкердің басынан өтіп жатқан оқиғаның кез-келген жастағы адамға тән екенін де режиссер түсіндіре кетті. Сонымен қатар, басты рөлде ойнайтын кейіпкер де өзгертілген. Бастапқыда, бұл рөлге Филипп Волошин ұсынылған. Кейін Шарипов Дулыға Ақмолданы таңдапты.
«Арман әлемінде» («Мир мечты») сондай-ақ, Ержан Түсіпов, Гүлжамал Қазақбаева, Әсел Қалиева, жас актриса Диора Романова мен т.б. ойнайды.
Драманың түсірілімі биылғы жылдың мамыр айында аяқталмақ
пікірлер жоқ, бірінші болыңыз
Пікір қалдыру үшін