Фархат Шәріпов «Арман әлемі» драмасының түсірілімін аяқтады
Фархат Шәріпов «Арман әлемі» («Дикра») көркем фильмінің түсірілімін аяқтап бітірді.
Кинотаспа сюжеті тәккапарлығы салдарынан туыстары мен жақындарының сенімінен шығатын ер азамат туралы баяндайды. Өз-өзімен қалған еркек өзінің кім екенін және кім болғысы келетіні жайында ойланады.
Картина 2014 жылы Данияр Сүгіралинов жазған «Кірпіштер 2.0» повестінің желісі бойынша түсірілген. Фархат Шәріпов кітаптың авторымен өткен жазда танысқан еді. Сол кезде туындыны экрандауға келіскен болатын. Фархат Шәріпов негізгі сюжет пен кейіпкерлердің біраз өзгертілгенін айтты. Бірақ, туындыдағы негізгі идея мен тақырыбы сақталған.
Драмадағы басты рөлді актер Дулыға Ақмолдаға («Оралман») тапсырған, ал басқа да негізгі кейіпкерлерді Ержан Түсіпов, Диора Романова, Шәріп Серік, Әсел Қалиева және т.б. сомдаған. Түсірілім жұмыстары осы жылдың 2-наурызында басталып, Алматы қаласында өтті. Басында авторлар картинаны өз қаражаттарына түсіруді жоспарлаған. Кейіннен «Қазақфильм» киностудиясының қолдауына жүгінген.
Көркем фильм үлкен экранға 2018 жылдың басында шығуы мүмкін.
пікірлер жоқ, бірінші болыңыз
Пікір қалдыру үшін