«Әлемнің мейірімді бейжайлығы» фильмі VI «Үміт» жастар кинофорумын ашты
Бішкекте ТМД елдерінің VI «Үміт» жастар кинофорумы өтті. Жобаны Әділхан Ержановтың «Әлемнің мейірімді бейжайлығы» фильмі ашты.
Аян Бұғыбаев режиссерлік еткен «Бір арман» фильмі деректі фильмдер бағдарламасында арнайы сыйлықтың иегері атанды. Шұғыла Сержанның «Самал» картинасы халықаралық көркем-суретті қысқаметражды таспалар номинациясында «Шығармашылық табыс тілеумен» жүлдесін иеленді. Осы бағытта Берік Жахановтың «Асаны» және Әмір Әменовтың «Қыстың соңы» атты тағы да екі отандық жұмыс таныстырылды.
«Үміт» форумы алтыншы рет қатарынан өткізіліп отыр. Байқаудың мақсаты ТМД елдерінің кинематографын дамытуға және жас киноқайраткерлерді қолдауға бағытталған. Биыл бүкіл әлемнен 100-ден аса фильм келіп түскен. Жұмыстар үш категория бойынша қарастырылды: көркем-суретті қысқаметражды фильмдердің халықаралық байқауы, көркем-суретті қысқаметражды фильмдердің ұлттық байқауы, деректі фильмдердің біріккен бағдарламасы.
Форум аясында продюсер Эльмар Иманов («Аритмия») және сыншы Евгений Майзель секілді алдыңғы қатарлы кинематографшылардың шеберлік сабақтары өтті.
.jpg)
пікірлер жоқ, бірінші болыңыз
Пікір қалдыру үшін