«Мараттың бейнежазбасы» фильмі «Киношок-2018» фестивалінің жүлдегері атанды
Әлімжан Құдабаевтың «Мараттың бейнежазбасы» атты қазақстандық фильмі 27-ші «Киношок» ашық фестивалінде жүлдеге ие болды. Қысқаметражды кино байқау бағдарламасында таныстырылған картина «Экранда заманауи жасөспірімдердің өзекті мәселелерін әсерлі жеткізе білгені үшін» арнайы жүлдесімен марапатталды.
«Мараттың бейнежазбасы» картинасы орта мектеп оқушылары жайлы баяндайды. Жасөспірім Маратқа туған күніне планшет сыйлайды, кейін ол сыныптастарымен бірге қатал түрдегі бейнежазба түсіреді. Роликтің салдарынан жаңадан келген оқушымен кикілжің орын алып, ол төбелес кезінде қайтыс болады. Мараттың ата-анасы балаларын кәмелетке толмағандар колониясына жібермеу үшін барын салады.
Айта кету керек, «Үздік ер адам рөлі» жүлдесі отандық актер Владимир Толлокониковке Алексей Шеместің «Ата» фильміндегі ойыны үшін мәңгілікке бұйырды. Қысқа метр бөлімінің Бас жүлдесі Мария Полякованың «Парижге саяхат» ресейлік таспасына бұйырды.
«Киношок» - 1992 жылдан бері ТМД елдері мен Балтияда өткізіліп келе жатқан кинофестиваль. Жыл сайын көрсетілім Анапада өтеді және 60-тан астам фильмдер көрсетіледі.
Еске салсақ, толқметражды фильмдер байқауында Қазақстанның атынан Серікбол Өтепбергеновтың «Алтыншы бекет» және Алдияр Байрақымовтың «Шек» картиналары қатысқан болатын.
.jpg)
пікірлер жоқ, бірінші болыңыз
Пікір қалдыру үшін