«Өрмекші адам: Қайта оралу» фильмінің қазақ тіліндегі нұсқасының көрсетілімнен фоторепортаж
Esentai Mall-дың Kinopark 11 IMAX кинотеатрында «Өрмекші адам: Қайта оралу» фильмінің қазақ тіліндегі нұсқасы көрсетілді. Әлемдік Marvel картинасының дубляжын Marwin компаниясының қатысуымен «Болашақ» корпоративті қоры өндірген. Кинокөрсетілім Алматы қаласы әкімдігінің қолдауымен өтті.
Дубляждың режиссері бұрын «Галактика сақшылары. 2 бөлім» фильмімен жұмыс істеген Шах-Мұрат Ордабаев болды. жобаға кеңесші ретінде ресейлік режиссер Наталья Федотова шақырылды. Басты кейіпкер Питер Паркерді Заңғар Әбенов дыбыстады. Актер жазба кезінде дауысын бірнеше рет құртып алған еді. ол дауыс иірімдерін жоғалтып алмас үшін күніне бірнеше сағат демалып алып, жұмысын қайта жалғастырып отырды. Ал белгілі кейіпкер Тони Старкты Нұркен Өтеуілов, Мэй әпкейді Айнұр Бермұхамбетова дыбыстады. Дубляжға барлығы 30 актер қатысты. Мәтінін аударғандар - Диана Сабазова және Гүлжан Сауртаева.
Шараға жоба идеясының шабыттандырушысы, «Болашақ» Қауымдастығының құрметті мүшесі, Алматы қаласының әкімі Бауыржан Байбек, дубляж актерлары, еліміздің танымал тұлғалары, демеушілер, балалар үйінің тәрбиеленушілері мен бұқаралық ақпарат құралдарының өкілдері қатысты.
«Өрмекші адам: Қайта оралу» фильмі 6 шілдеде айналымға шықты. Картина көрсетілімінің кестесін кинотеатрлар афишасынан көре аласыздар.
Суперкейіпкерлі киноның алдын-ала көрсетілімінің қалай өткенін фоторепортаждан тамашалаңыздар.
Суреттерді «Болашақ» Қауымдастығы ұсынды
пікірлер жоқ, бірінші болыңыз
Пікір қалдыру үшін