«Мұрагерлікке қалған махаббат» фильмінің тұсаукесерінен фоторепортаж

30 Қыркүйек, 2017
Мадина
1 502
0

Айналымға «Мұрагерлікке қалған махаббат» отандық картинасы шықты. Фильмнің режиссері - Нияз Әбдіғапар, ал басты рөлдерді Мұрат Бисенбин және Нұрлан Батыров сомдады. Кинотаспа тұсаукесері Cinemax Dostyk Plaza кинотеатрында өтті.

Картинадағы әйел рөлдерін «Батырлар жолы» хикаясына түсіп жатқан Мөлдір Мекенбай және фильмнің саундтрегін жазған әнші Альбина Оганесян ойнайды.

Комедия элементтерімен толықтырылған драманың сюжеті қарапайым: 30 жастан асқан жігіттер үйленуге дайындалады. Себебі, аналарының соңғы тілегі мен әкелерінің мұрасы осыған байланысты. Бірақ, екі жігіт әйелдікке отбасының бұрынғы достарының қыздарын алуы тиіс. Ағайындылар осы тапсырманы орындап, қыздардың жүрегін жаулай ала ма екен?

Негізі, «Мұрагерлікке қалған махаббат» картинасына түскендердің көбісі үшін бұл дебютті фильм болды. Картинаның қанша касса жинағанын келесі аптада білетін боламыз.

Әзірге оқырмандар отандық кинематографты қолдап, «Мұрагерлікке қалған махаббат» фильмін көру үшін кинотеатрлар афишасынан билет сатып ала алады.