«Валериан және мың ғаламшар шаһары» фильмінің тұсаукесерінен фоторепортаж
Алматыда ресми тұсаукесерден бір күн бұрын Kinopark 11 IMAX Esentai Mall кинотеатрында Люк Бессонның «Валериан және мың ғаламшар шаһары» жаңа кинотаспасының алдын-ала көрсетілімі болды. Картина отандық көрерменге қазақ және орыс тілдерінде ұсынылды. Фильм дубляжына 25 актер қатысты. Алдын-ала көрсетілімнің демеушісі - Marwin компаниясының қолдауындағы «Болашақ» корпоративтік қоры.
Картина галактика аралық қастандықтың ортасында жүрген арнайы ғарыш агенттері Валерин мен Лорелин туралы баяндайды.
Кинотаспа еуропалық кино тарихындағы ең қымбат жоба атанды. Фильм бюджеті 180 миллион долларды құрады. Актер Дэйн ДеХаан Олжас Жақыпбектің дауысымен сөйледі, ал Кара Делевиньді Назерке Серікболова дыбыстады.
«Картина дубляжы шығармашылық тұрғыдан қарағанда өте қызықты әрі әсерлі болып шықты. Картинаны аударған кезде қиындықтар бола қоймады. Менің ойымша, Люк Бессон көлемді экшнға толы, өте әдемі көріністер мен қызықты кейіпкерлері бар тамаша ғарыш хикаясын түсірген сияқты»,-деп бөлісті дубляж режиссері Айжан Жамшитова.
Шараға Алматы қаласының әкімі Бауыржан Байбек, сонымен қатар қазақ кинематографының қайраткерлері, актерлар, блогерлер және шығармашылық интеллигенция өкілдері қатысты.
Еске сала кетсек, кинотаспа айналымға 10 тамыз күні шыққан, көрсетілімдер кестесін кинотеатрлар афишасынан көре аласыздар.
Суреттерді «Болашақ» корпоративтік қоры ұсынды
пікірлер жоқ, бірінші болыңыз
Пікір қалдыру үшін