«Қазақша кәсіп Америкада» фильмінің Лос-Анджелестегі түсірілімінен фоторепортаж

1 желтоқсан, 2017
Мадина
1 597
0

2016 жылдың соңында Нұрлан Қоянбаевтың «Қазақша кәсіп» атты дебютті картинасы жарыққа шыққан еді. Қоянбаев фильмнің продюсері әрі басты рөлді сомдаушы актері болған. Бір жылдан кейін ол халыққа «Америкадағы қазақша кәсіп» фильмі арқылы кейіпкері Жомарттың хикаяларының жалғасын қайта ұсынбақ.

Фильм атауына қарап, таспадағы хикаяның Қазақстанда ғана емес, сонымен қатар штаттарда, әсіресе Лос-Анджелесте өтетінін аңғаруға болады. Қонақ үйдің иесі Жомарт «5 жұлдыз» алуды қатты қалайды. Сондықтан, халықаралық сарапшылармен бір келісімге келу мақсатында, достарымен бірге АҚШ-қа аттанады.

Көрермендер комедиядан Нұрлан Қоянбаевты, Гүлназ Жоланованы, Жан Байжанбаевты, Рамазан Амантайды көре алады.

Қоюшы-режиссері - Жеңісхан Момышев, операторы – Азамат Дулатов, сценарийін жазғандар – Сәбит Рахымбаев пен Әуэз Әуэзов.

Бүгінгі фоторепортаждан фильмнің Лос-Анджелестегі түсірілімінің қалай өткенін көрсетеміз.