«Көгілдір игуана»: ұрлап алып, сыйақыға ие болыңыз
Screen Media Films студиясы британдық режиссер әрі сценарист Хади Хаджэйгтің («Таза былғары») «Көгілдір игуана» қылмыстық комедиясының трейлерін ұсынды. Таспа биылғы «Оскардың» иегері Сэм Рокуэллдің («Әйел алда жүреді», «Эббинг шекарасындағы үш билборд, Миссури») қатысуы арқылы қызығушылық тудырады.
Screen Media Films халықаралық каталогымен жұмысқа жауапты болған продюсер Сет Нидл бұл картина жайлы былай дейді: «Сэм Рокуэлл мен Бен Шварц экранда тамаша әзіл арқылы көрермендерге әсер ете алады. Жоба авторы Хади Хаджэйгтің арқасында екеуінің экранды химиясы кеңінен таралады да, көрсетілім кезінде езуіңе күлкі үйіріледі».
«Көгілдір игуананың» сюжеті екі ұсақ нью-йорктік алаяқтар - Эдди (Сэм Рокуэлл) мен Полды (Бен Шварц) көрсетеді, олар түрмеден шартты түрде ерте босап шығып, кішігірім мейрамханада жұмысшы болуға мәжбүр. Екеуінің өмірлері құрдымға кеткен сияқты болады, бірақ жақында ағылшын адвокаты Кэтрин Руквудтен (Фиби Фокс, «Барлығын көретін көз», «Төртбұрыштағы өмір» хикаясы) «қарапайым» жұмыс жайлы ұсыныс алған кезде, барлығы өзгереді. Олар Лондонда «Көгілдір игуана» деп аталатын бағалы тасты ұрлауы тиіс.
Осыдан кейін Эдди мен Полды әр қадам сайын қуаныш пен аласапыран күтеді. Әсіресе, сапаршылардың жолында Лондон қылмыс әлемінен келген психикалық ауытқуы бар ұсақ гангстер (Питер Фердинандо, «Артур патшаның қылышы», «Сауыттағы елес») шыға келгенде қызық болады, ал Кэтрин мен Эддидің арасында нағыз махаббат пайда болған кезде, істің күтпеген салдары шығады.
«Көгілдір игуана» қылмыстық комедиясы 2018 жылдың 23 тамызынан бастап айналымға шығады. Афишамызды қарап жүріңіздер.
пікірлер жоқ, бірінші болыңыз
Пікір қалдыру үшін